Le Margat et un coup de vieux
Le Journaliste : Oh là, Cher Margat, tu es parti à une fête costumée habillé comme cela?
Le Margat : Pourquoi? On dites ça à cause de m'maronne et d'mes d'mi-bottes montantes?
L.J. : C'est que je ne m'attendais pas à te voir porter un tel pantalon à pattes d'éléphant des années soixante-dix. Et en plus il n'est pas tout neuf…
L.M. : Bin sûr, c'est min Grand Père qui me l'a refilaïe el semaine dernière. J'étois parti l'aider à faire un peuw ed'ménage dins sin garnier quand il a artrouvé des vius trucs qu'y z'étoient infermaïes dins eune malle ed'pis des années. Du coup on n'a pon grammint avincé et y m'a r'parlé ed sins viu temps ed quand il étoit jeune…
L.J. : Ce devait être passionnant.
L.M. : Ui, surtout qu'ça a comminçaë quand j'ai manoeuvré m'carette dins s'n'intrée et qu'j'ai écrasaïe un pied d'fleurs. Y m'a d'mindé comme ça si j'avois pon eu min permis dins un paquet d'Bonus. J'comprenois pon ça qui vouloit dire.
L.J. : Ah, Bonux c'était une lessive et dans l'emballage il y avait des cadeaux pour attirer les clients.
L.M. : Ui, c'est ça qui m'a dit. Et quand que j'li ai posé l'question si on y trouvoit aussi des permis d'conduire, y m'a d'mindé si j'étois pon un peuw Maboul?
L.J. : Tiens, Maboul, il me semble avoir entendu ce mot dans la bouche de celui qui nous tient lieu de président.
L.M. : Ui, même equ'min Grand-Père, li qui pouvoit pon l'sintir edpis toujours, y s'est mis à dire du bien ed'l'énergumène ed l'Elysée. Tout ça sous prétexte qu'in disant Maboul ed'vant les micros, l'aute il avoit ar'prind un mot du patois ed Boulonne…
L.J. : Ah, Maboul, le patois de Boulogne! Elle est bien bonne celle-là.
L.M. : Ui, du coup ça l'a mis ed'bonne humeur min Grand-Père. C'est comme ça qu'au lieu ed vider l'garnier on a passé du temps à arguetter tout ça qu'y avoit dins l'malle. A chaque fois qu'il artrouvoit un truc qui li rappeloit s'jeunesse, y m'racontoit des histoires à n'in pu finir.
L.J. : Et qu'en a tu retenu?
L.M. : Qu'ça devoit ête chouette d'ête jeune dins les années soixante dix. Çà m'donnoit presque ed l'argret ed pon avoir vécu c'temps là avec li.
L.J. : Et que répondait ton Grand-Père?
L.M. : Y m'répétoit toudis qu'j'étois Maboul, tellemint qu'il étoit contint ed savoir qu'à l'Elysée on respectoit quand même el patois boulonnais…
L.J. : Je ne voudrais pas vous décevoir mais les Boulonnais n'ont pas inventé le mot Maboul. C'est un mot qui vient de l'arabe, Mahbul, et qui veut dire fou, cinglé.
L.M. : Je l'savois bin, j'lavois lu dins l'dico, mais ça faisoit tel'mint plaisir à min Grand-Père qu'j'ai pon voulu l'contredire? Du coup, c'est li qu'il auroit pu perde el' boule ed'déception.
L.J. : Sacré Margat, malgré ton curieux accoutrement, c'est encore toi qui a raison.